زمان كانوا بيحكولنا قصة جميلة اوى اوى ........ وعلى قد مهى كانت قصة عادية زى كل قصة الا أنها كلها مواعظ
وكانت نفس المشكلة اللى ما زالت قائمة معانا موجودة ساعتها ...... كنا نسمع ونطنش ....... ندخل الكلام من ودن نطلعه من الدون التانية
قصة أطفال عاااااااااااادية جدا ............. لكن هى حاليا المفروض تتقال للكبار قبل الأطفال الصغار
كان المدرس يقعد على درج من الأدراج الفاضية فى الفصل ويقعد يقول اسمعونى يا ولاد :-
كان فى زمان ولد شقى ........ معروف فى البلد بتاعته وللناس كلها اللى فى بلده انه شقى
وياما الناس نصحته وياما الناس كانت تقوله بلاش يابنى الحركات اللى بتعملها دى
الواد كان دايما يركب دماغه وشايف نفسه أنه ممكن يضحك على الناس كلها
كانت متعته ويمكن متعته الوحيدة لما ينزل البحر ويعوم فيه
عارفين كان بيحب البحر ليه ......... مش زى كل واحد فينا لما يروح البحر
لالالا ....... ده كانت متعة من نوع تانى خالص
لما ينزل البحر ويدخل لجوه فى عمق البحر شوية ........ كان يحب يلفت أنظار وانتباه الناس ليه
يدخل البحر وبعد شوية يزعق ويصرخ بأعلى صوته " ألحووووووووووقنى ........ ألحقووووووووووونى "
" حموووووووووووت ........... حموووووووووت "
الناس تصدقه وتقوم تجرى تدخل البحر وهى ملهوفة عليه عشان تنقذه
والمشكلة أنه فى عرض البحر يعنى مش مسافة صغيرة
يعنى اللى داخل ينقذه ...... ممكن يخاطر بحياته عشان يوصله بأسرع وقت
ولما يوصلوه ....... تطلع من الواد ابتسامة سخرية توجع قلوب الناس اللى كانت حتتجنن عليه
وميقدروش يعملوله حاجه ....... " عشان هو عيل حيعملوا عقلهم بعقل عيل " ...... أكتر ما فيها كانوا يدعوا عليه
ويقولوا ...... روح يا شيخ ربنا يوجع قلبك زى ما وجعت قلبنا عليك
فضل على الحال ده فترة من الزمن ....... وكان كل مرة اللى بيحاول ينقذه بيكون واحد مختلف عن اللى حاول المرة اللى قبلها
مهو خلاص كل واحد قال لنفسه سيبك منه يا عم ده بيهزر
لغاية لما جات مرة وكان البحر فيه هادى جدا جدا جدا واليوم مشمش وزى الفل مفيش أى حاجه تقلق
نزل الولد البحر زى كل مرة ودخل لجوه على مسافة بعيدة
مرة واحدة ....... الواد حس أنه مش قادر يعوم ولا يسبح وفى حاجه بتشده لتحت
حاول بقدر الأمكان يسبح ويطلع من الميه ولا فى أى فايدة أبدا
صرخ الواد بأى صوته وزعق وقال " ألحوووووووووووقنى ......... حمووووووووووت "
بس يا خسارة قالها بعد فوات الأوان ........ كل الناس فى الوقت ده بقت عرفاه وحفظت نظامه واتوجعت من كدبه كتير
وطبعا مفيش حد نزل البحر ولا حاول ينقذه زى كل مرة
وقبل ما يغرق الواد ويلفظ آخر أنفاسه ........ شاف كل حاجة عملها فى الناس قدام عينيه
والناس معرفتش بغرقه وبموته الا لما ميه البحر رمته على الشط
واتجمعت الناس حواليه وقالت " حسبى الله ونعم الوكيل ....... لا حول ولا قوة الا بالله ........ أهو لو مكنش كداب كانت تكون دى أخرته "
عارفين ايه اللى خلى آخرة الواد ده بالشكل ده ؟؟؟؟؟؟ ......... دعاء الناس عليه
تفتكروا فى حد واخد فى باله لو الناس دعت عليه وهو كدب عليهم وخان ثقتهم ايه اللى حيحصله ؟؟؟
الولد ده كانت كل الناس حواليه فى الأول بتحاول تاخد بايده وتهديه وهو كان عامل فيها أنه أذكى واحد فى العالم
لما اتخلت الناس عنه وفقدت الأمل فيه وملقتش فيه رجا ....... فاض بيهم الكيل وعزلوه عنهم
عاش مع نفسه ......... ومات برده مع نفسه
ومات وكل الناس مش راضية عن اللى كان بيعمله
قصة بسيطة سمعناها الف ألف مرة زمان
بس الموعظة اللى فيها لحد الآن فى ناس ولا على بالها
وفى حديث عن الرسول صلى الله عليه وسلم أنا مش فاكر نصه بالظبط بس حقولكم معناه
معنى الحديث أن مفيش ذنب أعظم عند الله من أن شخص يتكلم مع شخص آخر ....... الشخص الأول كاذب فى كلامه والشخص التانى مصدقه
هاااااااااااا ايه رأيك حتموت غرقان فى بحر الكدب والخداع والخيانة ؟؟؟؟؟؟؟ ولا حتحاول تطلع من البحر ده بسرعة ؟؟؟؟؟؟؟
قصة مستوحاة من الطفولة
بأسلوب وكتابة كاتب الموضوع
القلب الدامى
» 10 فوائد مفاجئة للعلكة الخالية من السكر
» آلام لا يجب أن تتجاهلها الحامل صحة الحامل والجنين.
» الاكل الممنوع للحامل في الشهور الاولى
» كل شيء عن حساسية الجلد عند الاطفال
» علاج الزغطة: من الحالات البسيطة الى الشديدة
» فتق المعدة: الأسباب والأعراض والعلاج
» علامات تشير للإصابة بديسك في أسفل الظهر
» أمور يجب القيام بها وأخرى تجنبها بعد الجلطة الدموية